MotaWord se yon gayan nan Konpetisyon Echanj Biznis NYC - Paris la.

Uit biznis nan Nouyòk pral chanje lokal ak tokay franse yo nan kad yon pwogram echanj espesyal ak Vil Limyè a.

Kòporasyon Devlopman Ekonomik Vil Nouyòk la te anonse jedi ganyan konkou Echanj Biznis NYC-Paris li a ki te pèmèt nouvo antrepriz yo pase sis mwa ap opere nan lòt peyi a.

Prezidan EDC a, Maria Torres-Springer, te di tout antreprenè yo pral resevwa konsèy ak sipò pou devlope konpayi yo sou plan entènasyonal nan men ekspè nan teknoloji ak biznis ni nan Nouyòk ni nan Pari.

"Nou kontan anpil pou nou akeyi kèk nan pi gwo konpayi franse yo nan ekosistèm inovasyon k ap grandi pi rapid nan mond lan." Epi nou sèten ke konpayi lokal nou yo ki soti nan Nouyòk pral montre vil limyè a sa teknoloji nan Vil Ki Pa Janm Dòmi an ye,” li te di nan yon deklarasyon.

MotaWord, platfòm tradiksyon imen ki pi rapid nan mond lan, se pami 8 konpayi ki te genyen dwa pou jwenn aksè nan pwogram echanj la pami plizyè santèn konpayi ki te aplike.

"Nou kontan fè pati pwogram inik sa a epi antanke yon konpayi ki defini komès entènasyonal, nou anvi elaji operasyon nou yo ki deja egziste an Frans pou mwa k ap vini yo," te di Evren Ay, fondatè MotaWord.

Echanj la gen pou objektif ede konpayi ki baze nan Vil Nouyòk yo elaji nan Pari lè yo ofri yo 6 mwa espas travay gratis, aksè a evènman ak sipò pou devlopman biznis pou akselere kwasans yo.

MotaWord deja opere nan peyi ki pale fransèz yo atravè koòdone lokalize li an fransè (fr.motaword.com) epi li gen pou objektif pou l kòmanse inisyativ devlopman B2B nan Pari grasa anbochaj pèsonèl devlopman biznis lokal.